دعوة لرضا اللة

لية ماعدش حد قادر يستحمل حد .

لية الناس بقيت صعب تحس بغيرها .

لية الناس ماعدتش بتحترم مشاعر بعض .

لية البركة فى الرزق اصبحت شبة معدومة.

لية حياتنا دايما اصبحت تميل للجانب الاسوء .

لية فقدنا الصدق فى كلام الناس .

لية الكلمة الطيبة اصبحت نادرة .

فى الف لية ولية !!!!!!!!!!!!

انت عارف السبب الحقيقى اية ؟؟؟؟

السبب الحقيقى اننا بعدنا عن ربنا سبحانة وتعالى !!!!!

فاكرين الحياة الدنيا وناسين الدار الاخرة .

يقول المولى عز وجل .فيما معناة./ يادنيا من خدمك فاستخدمية ومن خدمنا فااخدمية .

هافضل انادى واقول

تعالو نحب بعض .

نخاف على بعض .

نود بعض ونتزوار.

نعطف على المحتاج.

نلتمس الصدق فى الاخرين حتى يتبين لنا العكس.

تعالو نبدأ حتى لو ليوم واحد ونشوف النتيجة اكيد مش هاتخسر بس اكيد هاتكسب.

احنا متفقين اننا مش هانخسر حاجة لو جربنا .

طب لو عملنا كدة حتى لو يوم واحد من كل اسبوع ونوهبة للة تعالى .

شوف فى اخر اليوم وانت جاى تنام اية هايكون شعورك*

تعالو بكل صدق وامانة نكون فريق منا .

ونتفق على يوم معين فى الاسبوع وليكن (الجمعة)

وطبعا اليوم دة لية اسباب كتير

اولا / اتخلق فية سيدنا ادام

ثانيا / هاتقوم فية الساعة

نتخلى عن اى حاجة وحشة فينا او بمعنى ادق نبدلها بالجزء الحلو اللى هو فينا بردو .

باامانة لو عملتها لمدة يوم واحد فى الاسبوع ودوقت حلاوتها بالتدريج هاتصبح عادة فينا بنعملها كل يوم.

صدقنى انا عن نفسى ضامنلك باذن اللة اول مكسب وهو ؟

( رضا اللة سبحانة وتعالى عنك فى اليوم دة كل الرضا)

علاوة على الحسنات اللى مش هاتعرف قيمتها ولا عدادها الا يوم العرض على صاحب العزة والجلالة .

مش يمكن اليوم دة يمحى ذنوب الاسبوع كلة او تكون حسانتة اكتر من سيئات الاسبوع كلة

ياجماعة دة هايكون سند ليك يوم القيامة اتمسك بية وبلاش تضيع اليوم دة من ايدك.

اللى يحب يشركنى فى اليوم دة يتفضل يحط ايدة فى ايدى ونحدد اول جمعة باذن اللة .

وتانى يوم نقول لبعض حلاوة اليوم دة كانت ازاى.

وكل واحد فينا يقيم اخوة .